لحبيباتى البنوتات تعالى عايزة اقولك حاجة.......الموضوع طويل حبتين بس يا ريت تخليكى معايا للاخر.......
امممممم هتكلم معاكى بصراحة بس متزعليش .. لانى زيك بنت ويعنى يبقا كويس لو اعتبرتينى اختك ...
بصي يا ستى ... دلوقت انا لما اتكلمت مع الولاد ف موضوع بنات الناس لعبه واختك لا البوست اللى قبل دا ..طبعا كالعادة الكلام عجب البنات جداااا .. وكمان الولاد بس اغلب الكومنتس كانت بتقول يعنى هم البنات اللى ملايكة مالبنات عايشه حياتها مع دا ودا .. يعنى زى ما بيقولوا مقضيها ... وان البنات هى السبب .. بصو سواء الولاد او البنات فالنوعين هم المجتمع يعنى حد بيدا والتانى بيكمل معاه سواء كان الولد او البنت وطبعا احنا ف الكلام مش بنفرض نيه السؤ للاتنين .. بس انا كا بنت عايزة اقول لحبيباتى البنات حاجة ............
بصي مش هقولك خافي ع نفسك واهلك وصونى اهلك ولا ان الدنيا مبقاش فيها امان وقليل تصدقي حد
بس هقولك انك مسلمة .. عارفه يعنى ايه ........؟ لو مش عارفه انا اقولك .. مسلمة يعنى حفيدة خديجة وفاطمة وعائشه .. مسلمة يعنى نبيك اشرف الخلق .. مسلمة يعنى امه الله فمتنسيش ان انتى امانه ولازم تحافظى ع نفسك .... وحاجات كتير
وكمان عشان الانوثه عمرها ماكانت انك تعرفي دا ودا وتلبسي ضيق ومقضياها فري
سؤال بس ....... ليه تسمحى لحد انك تكونى لعبه فى ايديه هتقولى ضحك عليا يا ستى هوة مش كويس خليكى انتى كويسه وقولى لا انا مش هبقي لعبه ؟؟
ليه تسمحى لنفسك تكونى تسليه ف ايد دا ودا .....؟
ليه تسمحى لاى حد مش من حقه اصلا يكلمك يبقي الناهى الامر عليكى ........؟
ليه تلعبي بقلب دا ودا ويوم مع دا ويوم مع دا .. ومقضيها تسليه .. من امته كانت القلوب تسليه... وليه تعملى كدا...؟
ليه ناسيه انك لما بتعملى كدا .. بتسئي ليا ولاختك ولبنت عمك وخالك واختك ... عارفه ازاى ...... زى ما هو واضح اليومين دول كل الولاد يقولو مبقاش ف بنت محترمه ........يعنى حكم عام علينا كلنا طب ليييييه . ليه كلنا نبقي وحشين كدا وبسببك ؟!!!!!!
ليه بتلبسي ضيق زى البدى والجينز واكتر من كدا اللى بقا مالى الشوارع .. وربي انا كبنت باخجل من لبس البنات ف الشارع ......... طيب ليه بقا نعتب ع الولاد ...... لما يعاكسوا وتنتشر الرزيله ف الشوارع ............؟؟؟؟
ليه ناسيه انك بنت وانك المفروض غاليه اوووى عند نفسك لان ربنا اللى غلاكى ..... ليه بقا بترخصيها ... وتبينى مفاتنك لدا ودا وبردو نعتب انهم بيعاكسو ...........؟؟؟؟
ليه .... وليه ..... وليه ........ كتير اوى اسئله بس المفروض اجاباتها معروفه بس احنا اللى بنحب نعمل مش واخدين بالنا !!!!!!!!!!
ليه يا حفيده خديجة كدا ....... كلنا بنغلط عشان احنا مش ملايكة ... بس المصيبه اننا نبقي عارفين انه خطأ وبنكمل ...
عايزة اقولك حاجة بس ...... انتى بنت مسلمة عارفه معناها !!!!! لو ناسيه فكرى شوى وهتعرفي او هتفتكرى لو ناسيه او حتى بتتناسي .......!!!!!!
يا ريت كل واحدة تراجع نفسها ..... وتسأل نفسها بس انا ليه بعمل كدااااااا .....
وبردو انا مش بتهمك .. انا بهتم بيكى مش اكتر علشان انتى غاليه .
....يااااااا ريت البنات ميزعلوش بس منى وبردو الهجوم بتاع كل مرة انا بتقبله ومش بزعل عادى لاننا كلنا اخوات ...
وملحوظة ..... مش كل البنات كدا ولا الكلام دا عام فى بنات زى الورد ربنا يحميهن واللى لا ربنا يرجعهم للصواب .......... ربنا يسلم قلوبكم جميعا ولاد او بنات
الرئيسية 
السبت سبتمبر 10, 2011 12:07 am
